Кеча Наманган вилоятидаги сайловчилар билан учрашган Шавкат Мирзиёев бугун Фарғона вилоятига ташриф буюрди.

Сайловолди ташвиқотини олиб бораётган президентликка номзод Шавкат Миромонович сайловчилар билан учрашув чоғида вилоят тиббиёт тизими учун фақатгина давлат бюджетидан келгуси беш йилда 5 триллион сўм ажратилишини маълум қилган. Ш. Мирзиёевнинг айтишича, энди тиббиётда янгича тартиб йўлга қўйилади.

«Халқимиз содда, шифокор давлат томонидан ажратилган ўнта доридан учтасини берса ҳам рози бўлиб кетаверади. Энди янгича тартиб жорий қиламиз – пулни шифохонага эмас, беморга берамиз. Касал бўлдими, ҳисобига пул туширилади, истаган дорисини олсин, истаган жойида операция қилдирсин. Барибир шу пул давлатдан ажратиляпти-ку. Тиббиётда коррупция урчиб кетган, буни мен айтмасам, ким айтади?!», - деди амалдаги давлат раҳбари.