Бразилияда кучли ёмғир қурбонлари сони 94 кишига етди, ҳалок бўлганлар орасида болалар ҳам бор, деб хабар берди Г1. Аввалроқ 80 га яқин ҳалок бўлгани хабар қилинган эди.
“Петрополисда ҳалок бўлганлар сони 94 нафарга етди, улардан саккиз нафари ёш бола”, — дейилади ОАВ хабарларида.
Фуқаро муҳофазаси хизматлари 24 кишини қутқаришга муваффақ бўлди. Яна 35 киши бедарак йўқолганлар рўйхатида қолган.
Сешанба куни кучли ёмғир кўчки ва сув тошқинларини келтириб чиқарди. Олти соатдан сал кўпроқ вақт ичида ҳар квадрат метрга 260 литр ёмғир ёғди. Бу февраль ойида Бразилиянинг ушбу минтақасида одатдагидан кўпроқ.
