Берлинда “Кўчириш, чиқариб юбориш ва яраштириш учун ҳужжатлаштириш маркази” деб аталган янги музей очилди.
Бу ерда намойиш этилган экспозиция, биринчи навбатда, Иккинчи Жаҳон уруши охирида ва урушдан кейинги дастлабки йилларда Польша, Чехословакия ва Шарқий Европанинг бошқа мамлакатларидаги уйларини тарк этишга мажбур бўлган 14 миллион немисларнинг тақдирига бағишланган. Музей директори Гундула Бавендамм шундай дейди:
– Ушбу музейнинг вазифаси немисларнинг ўзини ўзи қадрлашидаги асосий сиёсий ва ахлоқий тўқнашувга тегишлидир. Иккинчи Жаҳон Урушидан бери бизнинг тарихий онгимиз "жиноятчи-қурбон" схемаси бўйича шаклланди. Биз уни кескин қора ёки оқ рангларда кўришга одатланганмиз, баъзида бўлган кулранг ва соя бўлган жойларни кўришимиз қийин.
Саккиз йил олдин қурилиши бошланган бундай музейни яратиш режалари Германияда ҳам, бошқа мамлакатларда ҳам кўп тортишувларга ва жиддий қаршиликларга сабаб бўлди, кўпчилик немисларни жабрланган миллат сифатида тақдим этиш ғоясига қўшилмаган эди.
