Томскнинг Киров туман судига «Грин Вуд» МЧЖ директори Хитой фуқароси Сунь Аньнининг ҳибсга олиниши юзасидан шикоят аризаси келиб тушди. Бу корхонада ёнғин оқибатида 12 нафар ишчи ҳалок бўлган эди. Уларнинг 11 нафари ўзбекистонлик фуқаролар бўлган.
«Интерфакс» хабарига кўра, шикоят аризаси айбланувчининг адвокатлари томонидан берилган.
«Айбланувчининг адвокатларидан суднинг қамоққа олиш тарзидаги эҳтиёт чорасини қўллаш тўғрисидаги қарори устидан шикоят аризаси келиб тушди», - деди суд матбуот хизмати ходими.
Бинони хитойлик инвесторга тегишли бўлган «Грин Вуд» МЧЖ ижарага олган.
Одамларнинг ўлими туфайли Россия Тергов қўмитасининг Тергов бошқармаси жиноят иши қўзғатган.
