Бир куни Ибн Жавзий Моликий ваъз айтар эди. Мажлисда подшоҳнинг хос хизматчи ва аъёнлари ўтирган эди. Суҳбат тинглаётганларнинг ярми сунний, ярми шиа эди. 

Кимдир воизга савол бериб қолди: Расулуллоҳ соллаллоҳу алайҳи васалламдан кейинги энг афзал киши ким? Абу Бакр розияллоҳу анҳу ёки Алий розияллоҳу анҳу?

-Иккисидан афзали: қўл остида унинг қизи бўлгани, деди Ибн Жавзий. (Пайғамбаримиз соллаллоҳу алайҳи васалламдан кейин энг афзал киши Абу Бакр розияллоҳу анҳу ҳисобланади)

Жавоб икки тарафни қониқтирди. Чунки «унинг» деган сўздан Пайғамбаримиз соллаллоҳу алайҳи васалламни ҳам, Абу Бакр розияллоҳу анҳуни ҳам тушунса бўлади. 

Ибрат ва хулоса

Гапни топиб гапириш билан келиб чиқиши мумкин бўлган катта жанжални олди олинди. 
Сиз ҳам гапни доим одамига, жойига, вақтига ҳамда ҳолатга қараб гапиринг!!!

Уринбаев Равшанбек