Эгей денгизида Туркияга қарашли Кучук-Орак ороли сотилмоқда, деб хабар беради Hurriyet Daily News.
22,6 гектарлик орол Мугла вилоятида, Бодрум курорт шаҳри яқинида жойлашган. Коронавирус пандемиясидан олдин бу жой сайёҳлар орасида жуда машҳур эди ва кўплаб сайр қайиқлари ҳар куни у ерда айланиб юрар эди.
Унинг ҳудудида 500 квадрат метрлик ҳашаматли вилла ва 150 квадрат метрлик бино мавжуд, деб хабар беради Sozku портали. 350 дарахтдан иборат бўлган зайтун боғи бор.
Бу қўриқланадиган табиий ҳудуд, у ерда янги қурилиш тақиқланган.
Эгалари уни 125 миллион турк лирасига (тахминан 18 миллион доллар) сотмоқчи.
