Tashkent City маъмуриятининг хабар қилишича, 14 октябрь кунидан боғ ҳудудига кириш бепул бўлди. Аммо, автотранспорт воситаларининг кириши бундан мустасно.
Маълумки, Tashkent City'га кириш 2020 йил 17 декабрдан бошлаб пулли қилинган, ўшанда бу тартиб фақат байрам кунлари учун экани айтилганди.
Кейинроқ, Tashkent city халқаро ишбилармонлик маркази дирекцияси раҳбари Баҳром Ризаев боғга киришнинг пулли режими ҳозирча бир ой учун мўлжалланганини, кейинчалик натижасига қараб иш тутилишини билдирган.
Январь ойида эса пулли кириш 31 мартгача давом этиши белгиланганди, лекин яна кейинги 8 ой давомида ҳам одамлар боғ ҳудудига пул тўлаб кириб келишди.
