Юртимизда муҳтож оилаларга ёрдам бериш, беморлардан ҳол сўраш ўзбек халқининг азалий одатларидандир. Бундай хонадонларга эзгу ишларни доимий равишда амалга оширишда “Вақф” хайрия жамоат фонди ҳар доимгидек фаол.
Бугунги кунда муҳтожлар учун хайриялар сони ва салмоғини янада ошириш мақсадида фонд бир неча халқаро хайрия ташкилотлари билан ҳам ҳамкорликни йўлга қўйган. “Ҳасана” халқаро Ассоциацияси шулар жумласидандир. Ушбу ташкилот билан “Вақф” хайрия жамоат фонди ҳамкорликда 360 миллион сўм миқдордаги озиқ-овқат маҳсулотларини Рамазон ойи арафасида юртимиз бўйлаб 2000 та ёрдамга муҳтож оилага хайрия қилишни бошлади.
