Қозоғистон пойтахти Нур-Султонда қурилаётган янги масжид атрофида катта боғ барпо этилади. Бу ҳақда шаҳар ҳокими Алтай Кулгинов Инстаграмдаги саҳифасида маълум қилди. Мазкур масжид Марказий Осиёда энг йирик ибодатгоҳ бўлиши кутилмоқда.
Масжид атрофидаги боғнинг марказий хиёбонида узунлиги 300 метрга тенг фаввора қуриш режаштирилган.
«Бу ҳудуд йилдан-йилга кўкаламзорлаштирилади, шаҳарда ўзига хос «яшил оролча»лар ташкил этиш жуда муҳим», – деди Кулгинов.
Минораларининг баландлиги 130 метрга тенг янги масжидда бир пайтнинг ўзида 30 минг киши намоз ўқиши мумкин бўлади.
