Мисрнинг демократик йўл билан сайланган биринчи президенти, марҳум Муҳаммад Мурсийнинг фарзанди ҳожилардан Арафот кунидан отаси ҳақига дуо қилишларини сўради. Бу ҳақда «Анадолу» хабар берди.

«Ким бу йил ҳаж ибодатини амалга оширишга муваффақ бўлса, Арафот куни отамнинг ҳақига дуо қилишни унутмасин», – деди Аҳмад Мурсий.

У Фейсбук саҳифасида: «Аллоҳим, отамнинг гуноҳларини кечир, унга раҳм қил, уни жаннатнинг энг олий даражаси Фирдавс билан ризқлантир», – деб ёзди.

Жорий йилнинг 17 июнидан Муҳаммад Мурсий суд залида юрак хуружидан оламдан ўтди. Аллоҳ шаҳид Мурсийнинг гуноҳларини кечирсин, Ўзининг йўлида амалга оширган ишларини қабул қилсин, Фирдавс жаннатидан жой берсин.