АОКАда бўлиб ўтган брифингда Мудофаа вазирлиги ахборот хизмати раҳбари Отабек Йўлдошев муддатли ҳарбий хизмат ва сафарбарлик чақируви резервида хизматни ўташ бўйича тушаётган саволларга жавоб берди.

Муддатли ҳарбий хизматни ўтаган фуқароларга: олий таълим муассасалари, шу жумладан олий ҳарбий таълим муассасаларига ўқишга кириш учун имтиёз берадиган ҳарбий қисм қўмондонлигининг тавсияномаси берилади, яъни олий таълим муасасаси қабул қилиш квотасининг 5 фоизи, яъни умумий қабул қилинадиган талабалар миқдоридан тавсияномага эга бўлган 5 фоиз номзодлар қўшимча равишда ўқишга қабул қилинади. Олий ҳарбий таълим муассасаларига ҳужжат топширган фуқароларга эса ўзининг тўплаган балининг 50% миқдорида қўшимча балл қўшиб берилади;

хизматдан сўнг тадбиркорликка йўналтириш мақсадида уларга имтиёзли кредитлар ажратилади;

белгиланган хизмат муддатини тугатган ҳарбий хизматчиларнинг мутахассисликлар бўйича ишга жойлаштириш, яъни уларнинг бандлигини таъминлаш масалалари жойлардаги бандлик бошқармаси ва туман бўлимлари орқали амалга оширилади.