Расмийларга кўра, «Олаф» тўфони Мексиканинг Баха Калифорния ярим оролининг жанубий чеккасига кучли ёмғир ва шамолни олиб келган. Тезлиги соатига 155 км бўлган тўфон Сан-Хосе-дел-Кабо яқинидаги ерга соат 22:00 да етиб келиб вайронагарчиликларни бошлаган. Бу ҳақда AҚШдаги Тўфонлар миллий маркази (NHC) хабар берди.

NHC хабар беришича, тўфондан огоҳлантириш Лос-Баррилесдан Кабо-Сан-Лазарогача бўлган Баха Калифорния штатини қамраб олган. Ёмғирнинг 5-10 дюйм (13 см дан 25 см гача), баъзи жойларда максимал 15 дюйм (38 см) гача кўтарилиши натижасида аҳоли ҳаёт учун хавф туғдирадиган сув тошқини ва сел келиши ҳақида огоҳлантирилган.

Aввалроқ, пайшанба куни CONAGUA Мексика федерал сув комиссияси ўз баёнотида, "Олаф", эҳтимол, пляжлар жойлашган Лос-Кабос, Ла-Пас ва Баха Калифорния ҳудудларида 2-тоифали тўфонга айланиши мумкинлигини айтди.

Расмийлар Лос-Кабосда дарахтлар қулаши ва электр узилишлари ҳақида хабар беришган. Ҳудудларда эвакуация бошпаналари ташкил қилинган.

Довулнинг кучи жума ва дам олиш кунлари заифлашиши кутилмоқда.