БАА Бош вазирининг ўринбосари, "Манчестер Сити" клубининг эгаси, шайх Мансур ибн Зайд ан-Наҳаён Ўзбекистонда ноёб қушларнинг наслини кўпайтириш учун 200 гектарлик дала лагери қуриши мумкин.

Ҳужжат лойиҳасига кўра, оромгоҳ Қорақалпоғистон Республикаси Қўнғирот туманидаги Устюрт платосининг қўриқхоналарида жойлашган бўлади. Ер 10 йил муддатга вақтинча фойдаланиш асосида берилади. 

Фармонга аниқлик киритилишича, бу йўқолиб бораётган қушларнинг сонини кўпайтириш мақсадида қабул қилинмоқда.

БАА дипломатик ваколатхонаси қишлоқ хўжалигидаги йўқотишларни қоплаш учун тахминан 1,98 миллиард сўм (195 минг доллар) тўлашга тайёр.

Агар ажратилган ерлар тўғри ишлатилмаётганлиги маълум бўлса, ерни ижарага бериш бекор қилинади.

Эслатиб ўтамиз, шайх Мансур ибн Зайд ан-Наҳаён Абу Даби амирлигининг ҳукмрон қироллик оиласининг аъзоси. У от миниш ва футболни яхши кўради. 2008 йилдан бери Англиянинг "Манчестер Сити" футбол клубига эгалик қилади.

Араб шаҳзодадаринингЎзбекистонга қизиқиши бир неча йиллардан буён кучайиб қолди. Дубай валиаҳд шаҳзодаси Ҳамдан бин Муҳаммад ал Мактум ҳам лочин билан ов қилиш учун Ўзбекистонга бир неча бор келган.