Малайзияда мусулмон бўлмаганларнинг маросимлар, ваъзлар ва диний китобларда “Аллоҳ” лафзини ишлатишига қўйилган тақиқ бекор қилинди.
“Евроньюс”нинг хабар беришича, Саравак штатида яшовчи Жилл Ирланд исмли насронийнинг шикоятини ўрганиб чиққан Олий суд тақиқни олиб ташлашга қарор қилди. Судья Нур Бии Орифиннинг фикрича, ғайримуслимларнинг “Аллоҳ”, “Каъба” ва “намоз” сингари исломий атамаларни ишлатишининг тақиқланиши қонунчиликка ва конституцияга зиддир.
Мазкур тақиқ 1986 йилда, ғайримуслимларнинг мусулмонларга нисбатан миссионерлик фаолиятларининг олдини олиш мақсадтди жорий этилган эди.
Малайзия аҳолисининг 61,3 фоизини мусулмонлар, 19,8 фоизини буддавийлар ва 9,2 фозини насронийлар ташкил этади. Бундан ташқари, мамлакатда ҳиндлар ва бошқа динларга мансуб кишилар ҳам яшайди.
