Саудия Арабистони ҳукумати Сovid-19 коронавирусига қарши кураш доирасида мамлакат ғарбида жойлашган Жидда вилоятига кириш ва чиқишларни вақтнича тўхтатишга қарор қилди. Бу ҳақда SPА агентлиги хабар бермоқда.
Ушбу қарор коронавирус тарқалишининг олдини олиш бўйича қўшимча чоралар доирасида қабул қилинган.
Жиддада соат 19:00-06:00 орасида амал қилиб келаётган комендантлик соати кечадан эътиборан соат 15:00 гача чўзилди.
Саудия Арабистони ҳукумати 25 март куни Риёз, Макка ва Мадинага кириш-чиқишларни тўхтатиб, комендантлик соатини 15:00 гача чўзган эди.
Комендантлик соатига риоя қилмаганлар турли маъмурий жазоларга тортилиши ҳақида огоҳлантирилган.
