Исроил миллий хавфсизлик бўйича маслаҳатчиси Эял Хулата яширинча Қоҳирага ташриф буюрди ва Миср разведкаси бошлиғи Аббос Комил ва бошқа Миср расмийлари билан учрашди, деб хабар берган «Ал-Араби Ал-Жадид» нашри.

Манбаларга кўра, Хулата Исроил делегациясини бошқарган, у Комил билан Ғазодаги ҳолатга масъул бўлган Миср разведкаси ходими Аҳмад Абдулхолиқ билан учрашган.
«Исроил делегацияси келгуси 10 кун ичида бир қатор ташрифлар тўғрисида келишувга эришгандан сўнг, ўз ташрифини якунлади», - дейилган манбаларда. Қоҳира Ғазо секторида ва босиб олинган ҳудудларда доимий тинчлик тўғрисида келишувга эришмоқчи эканлиги қайд этилган.
Мисрликлар билан учрашувда манбалар «Исроил делегацияси маҳбуслар алмашинуви ва бу борада таклиф қилинган фикрларни муҳокама қилганини» айтиб, исроилликлар бу масалани узоқ муддатли сулҳ кафолати деб ҳисоблашганини айтишган.
Шунингдек, Миср Исроилдан яқин кунларда музокаралар муаммосиз ўтиши ва эскалациянинг олдини олиш учун Исроилнинг Ғазо қамалини юмшатишни давом эттиришни сўраган.
Манбаларнинг айтишича, Миср разведка хизматлари келаси ҳафта Ғазо ва Рамаллоҳга ташриф буюриб, Фаластин гуруҳлари билан сулҳ тузиш ҳаракатларини муҳокама қилиши кутилмоқда.