Иордан дарёсининг ғарбий соҳилида коронавирусга қарши кураш мақсадида барпо этилган вақтинчалик карантин маркази исроиллик ҳарбийлар томонидан бузиб ташланди. Бу ҳақда “Анадолу” агентлиги хабар бермоқда. 

Етти юз квадрат метр майдонга эга бир қаватли бино Ал-Халил шаҳрига кираверишда қурилган эди. Исроил ҳарбийлари эса бинонинг қурилиши ноқонуний бўлганини иддао қилган. 

“Марказ қурилиши уч ой олдин бошланганди. Очилиши режалаштирилган эди. Афтидан, бу Исроилга ёқмади”, – дейди карантин  маркази учун ер участкасини беғараз ажратиб берган Раид

Мисвадда исмли фаластинлик. Унинг айтишича, Исроил ҳукумати коронавирусга қарши курашиш ниятида эмас ва фаластинликларнинг ҳуқуқларини бузишни давом эттирмоқда.