Кеча, 14 май куни кечқурун америкалик юқори мартабали дипломат Хейди Амр Тель-Авивга келди. Deutsche Welle хабарида айтилишича, у Фаластин ва Исроил вакиллари билан учрашувлар ўтказади.
Исроил томони ХАМАС Ғазодан туриб отган ракеталар 8 кишининг ўлимига сабаб бўлганини маълум қилди. Бир ракета Ашдод шаҳри портидаги ёқилғи резервуарига келиб тушган ва оқибатда кучли ёнғин келиб чиққан.
Исроил Ғазони тинимсиз бомбардимон қилишда давом этмоқда. Ижтимоий объектлар, турар жойлар вайронага айланяпти. “Анадолу” агентлиги хабарига кўра, Исроилнинг ҳужумлари оқибатида Ғазода 139 киши ҳалок бўлди, улардан 39 нафари болалардир. Бундан ташқари, 950 киши турли даражада яраланган.
Исроилнинг ҳужумлари оқибатида Ғазодаги лагерларда яшайдиган қочқинлар ҳам ҳалок бўлмоқда.
