Ўзбекистон Республикаси Фавқулодда вазиятлар вазирлиги Бухоро шаҳрида рўй берган ёнғин ҳақида хабар берди.

“Жорий йилнинг 26 феврал куни соат 22:37 да Бухоро шаҳар Б.Нақшбанд кўчасида жойлашган савдо биноларида ёнғин содир бўлаётганлиги ҳақида ёнғин-қутқарув хизматига хабар келиб тушган.

Ёнғинни бартараф этишга 15 та асосий, 2 та махсус ёнғин ўчириш автомобиллари ва 20 тадан ортиқ ёрдамчи техникалар жалб қилиниб, соат 00-40 да ёнғинни тарқалиши олди олинди ва соат 01:30 да батамом ўчирилди.  

Ёнғин майдони 520 кв.м.ни ташкил этди.  

Ёнғин натижасида ҳалок бўлганлар ва тан жароҳати олган шахслар мавжуд эмас. Ҳозирда ёнғин сабаби ва моддий зарар миқдори аниқланмоқда

Ҳурматли фуқаролар ёнғин хавфсизлиги қоидаларига риоя қилишингизни сўраймиз” – дейилади ФВВ берган маълумотда.