Макка шаҳрида Россия Федерация ҳукумати қошидаги Ҳаж ишлари бўйича федерациялар кенгаши раисининг ўринбосари Илёс Уманхонов ва Саудия Арабистони қироллигининг Ҳаж ва умра ишлари вазири Солиҳ Битан ўртасида усрашув бўлиб ўтди. Бу ҳақда Islam.ru хабар берди.

Нашрнинг ёзишича, томонлар 2020 йилда бўладиган ҳаж мавсуми ҳақида суҳбатлашишган. Мазкур музокара натижасида Россиядан ҳаж сафарига борадиган мусулмонлар учун квота оширилиши юзасидан келишувга эришилган.

Шундай қилиб, 2020 йилги ҳаж мавсумида Россиядан 25 минг киши муборак сафарга борадиган бўлди. Бу эса олдинги йилдан кўра 4500 нафарга кўпроқ деганидир. Мазкур квота тез орада Россияда ҳудудларга кўра бўлинади.