Интерполнинг янги президенти Бирлашган Араб Амирликлари вакили, генерал-майор Аҳмад Носир ал-Раисий бўлди. Бу ҳақда ташкилотнинг Твиттердаги саҳифасида маълум қилинди. 

Интерпол президенти вакиллик функцияларини бажаради. У бош ассамблеяга (ҳар йили йиғиладиган ва асосий қарорлар қабул қиладиган олий орган) ва мунозараларга бошчилик қилади, ташкилотнинг ассамблея қарорларини бажаришини назорат қилади, шунингдек, Интерполнинг кундалик фаолиятига масъул Бош котиб билан доимий алоқада бўлади.

Ал-Раисийни президентликка тайинлаш таклифи аввалроқ халқаро ҳамжамият томонидан кескин танқидларга сабаб бўлганди, чунки у маҳбусларга нисбатан қийноқ қўллаш ва бошқа инсон ҳуқуқларини бузишда айбланган.

Аҳмад Носир Ал-Раисий узоқ вақт БАА Ички ишлар вазирлигида ишлаган.