Ўзбекистон Республикасининг 2022 йилги давлат бюджети тўғрисидаги қонун ижросини таъминлаш чора-тадбирлари тўғрисидаги президент қарорида бир қатор маҳсулотлар импорти бўйича божларни бекор қилиш назарда тутилган.
Амалдаги қонунчиликка кўра, гўшт, сарёғ ва ун маҳсулотлари учун ставкалар 5% ва 20% орасида эди. Эндиликда мазкур божлар бекор қилинди.
Эслатиб ўтамиз, 2021 йилнинг 10 октябридан 31 декабрига қадар бўлган даврда гўшт (мол, қўй, товуқ), тирик ҳайвонлар (қорамол ва парранда) ва уларни сўйишдан олинган маҳсулотларни, картошкани ҳамда музлатилган балиқни реализация қилиш бўйича айланма ва уларни мамлакат ҳудудига олиб кириш ҚҚСдан озод қилинган эди.
Бундан ташқари 2021 йилнинг 1 майидан бошлаб ўсимлик мойи, кунгабоқар уруғлари ҳамда зиғир ва соя импорти, шунингдек, ўсимлик мойини ишлаб чиқариш ва (ёки) сотиш айланмасига (пахта ёғидан ташқари) ҚҚС ставкаси нолга тенглаштирилган эди.
