Туркиянинг Айдин вилояти Назилли туманида яшаган Меҳмет Али Шефлек ҳофизи Қуръонларнинг устози сифатида танилган эди. У 94 ёшида, Қуръон тиловат қилиб ўтирган пайт оламдан ўтди.
Маҳаллий ОАВнинг ёзишича, устоз Шефлек охирги пайтда альцгеймер касаллигидан қийналган бўлиб, ҳатто яқинларини ҳам танимайдиган аҳволга келиб қолган эди. Бироқ у Қуръон сураларини эсидан чиқармаган.
Юзлаб қориларни етиштирган Меҳмет Али Шефлек касалланган бўлишига қарамай, нафақат сураларни ёддан ўқий олган, балки уларнинг маъносини ҳам айтиб бера олган.
