Исроил ҳукумати «Лев Тахор» ультраортодоксал мазҳабининг ўнлаб яҳудий оилаларига Эронга бошпана сўраб, кўчиб кетишини тақиқлаб қўйди.
«Исроил ва Қўшма Штатлар Теҳрон уларни гаров сифатида фойдаланишидан қўрқиб, экстремистик ультраортодоксал мазҳабининг аъзоларини Эронга кўчиб ўтишига йўл қўймаслик учун ҳаракат қилмоқда», - деб ёзади Times of Israel нашри ва мазкур анти-сионистик гуруҳ 2018 йилда сиёсий бошпана сўраганини қайд этган.
Ҳужжатда айтилишича, 2019 йилда АҚШ федерал судига тақдим этилган ҳужжатлар, Ҳасидийлар жамоасининг раҳбарлари Эрондан сиёсий бошпана сўраганини ва Олий Раҳбар Оятуллоҳ Али Ҳоманаийга қасамёд қилганини кўрсатган.
Ynet ахборот сайтининг хабар беришича, асосан Гватемалада жойлашган юзлаб ушбу гуруҳ аъзоларини Гватемала аэропортида кўришган. Улар, катта эҳтимол билан Курдистон-Эрон чегарасига кетаётган, деган тахминлар бор эди.
Хабарда айтилишича, уларнинг қариндошлари Исроил Ташқи ишлар вазирлиги ва Адлия вазирлигига мурожаат қилиб, оилаларини тарк этишининг олдини олиш учун зудлик билан гватемалалик ҳамкасблари билан боғланишни сўраган.
Хабар қилинишича, Гватемала ҳукумати гуруҳ аъзолари бўлган АҚШнинг бир қанча фуқароларини ҳибсга олган.
«Шалит билан тузилган битим, бу билан таққосланганда болалар ўйинига ўхшайди», дейишди қариндошлари, 2011 йилда Хамас билан тузилган битимга ишора қилиб. Ўшанда Исроил 1027 фаластинлик маҳбусни исроиллик аскар Гилад Шалит эвазига озод қилган эди.
МАВЗУГА ОИД МАҚОЛАЛАР:
