Ҳиндистоннинг Буландшаҳр шаҳрида (Уттар-Прадеш штати) яшовчи мусулмонлар вафот этган ҳинд қўшниларига бефарқ бўлишолмади, дея ёзади IslamNews нашри.
Маълум бўлишича, Равишанкар исмли ҳинди номаълум касалликдан вафот этган. Яқинлари эса унинг коронавирусдан вафот этган бўлиши мумкинлигини ўйлаб, жасадини олишдан бош тортган.
Жасаднинг эгасиз қолганидан хабар топган мусулмон қўшнилар бу ҳолатга лоқайд қараб тура олишмади. Улар ҳинд урф-одатлари амалга оширилиши учун Равишанкарнинг жасадини кремация ўтказиладиган жойга олиб боришди.
