Шу кунларда твни ёқсангиз фақат ёлғонга рўпара бўласиз. Ўта юқори зарурат бўлмаса, тв кўрманг, заҳарланманг, ўзингизни заҳарлашларига йўл қўйманг.
9 май атрофида тв экранларидан Кремль пропаганда каналлари ва уларга охирги пайтда негадир қўшилиб жўр бўлаётган ўзбек телевидениесидан қанақадир ғалаба байрами ҳақида тўқилган афсоналар янграшдан тўхтамайди.
50 млн.одам қирғинбарот бўлган урушда ғалаба бўлиши мумкинми? Икки қатор ўрисча билмайдиган Тошмат Москва остонасида, Эшмат эса Зеелов тепаликларида кимнинг манфаатлари учун қурбон бўлган? Урушнинг биринчи кунларида советлар томонидан 1939 йилда босиб олинган Польша ҳудудида асирга тушган Аҳмат нима учун Сталин ўлгунича қамоқда ўтирган? Тасодиф туфайли ҳокимиятга чиқиб олган йигирманчи асрнинг иккита энг катта маймунининг касал хоҳишлари қарама-қаршилигида ўзбекистонликлар чиқим материали бўлган экан, бу шармандалик байрам бўлиши мумкинми?
Эринмасангиз, масалан рус тарихчиси Виктор Суворовнинг "Ғалаба сояси" (Тень победы) ёки "Сўзимни қайтиб оламан" (Беру свои слова обратно) китобларини топиб ўқинг.
Ўқишга тоқатсизроқ ёки йиғлашга мойилроқ бўлсангиз "Franz + Polina" фильмини кўринг.
Ва албатта телевизорни ўчиришни унутманг. У ерда рост гапиришмайди.
