Суданда ишчилар уюшмаси ва мухолифат партиялар иттифоқ ҳар қандай ҳарбий инқилобга қарши эканларини ва бу мамлакатни янги инқироз сари бошлашини эълон қилдилар. Бу ҳақда «Анадолу» хабар берди.

Судандаги «Судан овози», «Миллий бирлашма» ва «Демократик итифоқ бирлашмаси» уюшма ва партиялари берган муштарак баёнотда мамлакатдаги инқирозни ҳарбий инқилоб йўли билан бартараф қилишнинг имкони йўқлиги айтилган.

Баёнотда: «Умар Башир ҳокимиятга 1989 йилда ҳарбий тўнтариш йўли билан келди ва у Судандаги сурункали сиёсий инқирознинг сабабчиси ҳисобланади… Инқирознинг Эркинлик ва ўзгариш декларациясига мувофиқ ҳукуматни фуқоролик ҳокимиятига топширишдан ўзга ечими йўқ», дейилган.

Душанба куни уюшмалар ва мухолиф партиялар мамлакатни 4 йил давомида бошқарадиган ўтиш даври ҳукуматини, мазкур ҳукумат тузилгунга қадар эса ўтиш даври кенгашини тузишга чақирган эди.