Ўзбекистон Республикаси Бандлик ва меҳнат муносабатлари вазирлиги томонидан Президентимизнинг 2020 йил 3 декабрдаги ПФ-6122-сон «2021 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги Фармонига ўзгартириш ва қўшимчалар киритиш тўғрисидаги фармони лойиҳаси эълон қилинди.

Мазкур фармон лойиҳаси «Ўзбекистон бўйлаб саёҳат қил!» ички туризмни ривожлантириш дастури доирасида фуқароларнинг фаол дам олиши учун энг қулай шароитларни яратиш мақсадида қўшимча дам олиш куни белгилаш таклиф қилиняпти.

Жумладан, 2021 йилда қуйидаги қўшимча дам олиш кунлари белгиланади:

• 14 май—жума;
• 2 сентябрь — пайшанба;
• 3 сентябрь — жума;
• 31 декабрь —жума.

2021 йилда дам олиш кунлари:

• 27 март — шанба кунидан 22 март — душанба кунига;
• 17 июль — шанба кунидан 21 июль — чоршанба кунига;
• 24 июль — шанба кунидан 22 июль — пайшанба кунига кўчирилади.

Бундан ташқари, фармоннинг 3-банди, иккинчи хатбоши қуйидаги таҳрирда баён этилади: 

2021 йил 2 январь — шанба, 20 март — шанба, 22 март — душанба, 15 май — шанба, 21 июль — чоршанба, 22 июль —пайшанба ва 4 сентябрь — шанба кунлари барча ходимлар учун иш ҳафтасининг туридан қатъи назар, дам олиш кунлари ҳисобланади.

Эслатиб ўтамиз, юртимизда Рамазон ва Қурбон ҳайити кунлари ҳам дам олиш куни деб эълон қилинади.