Самарқанд халқаро аэропортининг вақтинчалик ёпилиши ҳамда йўловчиларга қулайлик яратиб, кўпроқ транспорт хизматларини кўрсатиш мақсадида Қарши-Самарқанд-Қарши йўналишида “Afrosiyob” замонавий поезди қатнови йўлга қўйилади, дея хабар берди “O‘ztemiryo‘lyo‘lovchi” ахборот хизмати.

Маълум қилинишича, жорий йил 20 октябрдан 20 ноябргача Қарши-Самарқанд-Қарши йўналишида 772/771-сонли “Afrosiyob” замонавий поезди қатнови йўлга қўйилади.

Иккала шаҳардан ҳам қатновлар ҳар куни амалга оширилиши таъкидланган.