Бош вазир Шаҳбоз Шариф бошчилигидаги Покистон ҳукумати собиқ бош вазир Имрон Хон ва унинг кабинети вазирларига мамлакатни тарк этишни тақиқлади.
Маҳаллий ОАВ хабарларига кўра, тақиқ собиқ бош вазир ва аввалги ҳокимият вакиллари «коррупция йўли билан қўлга киритилган пуллар эвазига хорижда яшириниб қолиши» мумкинлигидан хавотир билан боғлиқ.
Янги ҳукуматнинг биринчи йиғилишида Шариф иқтисодий муаммолар, инфляция, ишсизлик ва қашшоқлик даражасининг ошиши учун тўлиқ жавобгарликни Хон кабинетига юклади.
Покистон мусулмон лигаси раҳбари Шаҳбоз Шариф 11 апрель куни Покистон бош вазири этиб сайланди. Имрон Хон 10 апрель куни ишончсизлик вотуми натижасида лавозимидан четлаштирилган эди.
