Аллоҳ таоло Нисо сурасининг 103-оятида марҳамат қилади: “Албатта, намоз мўминларга вақтида фарз қилингандир”. Баййина сурасининг 5-оятида: “Ҳолбуки, улар фақат Аллоҳгагина ибодат қилишга, Унинг динигагина ихлос қилишга, бошқа динларга мойил бўлмасликка, намозни тўлиқ ўқишга, закот беришга буюрилган эдилар. Ана шу тўғри миллатнинг динидир”, дейилган.

Абдуллоҳ ибн Умар розияллоҳу анҳумодан ривоят қилинади: “Расулуллоҳ соллаллоҳу алайҳи васаллам: “Ислом беш нарсага бино қилинган: “Лаа илааҳа иллаллоҳу, Муҳаммадур Расулуллоҳ”, деб шаҳодат келтириш, намозни тўкис адо этиш, закот бериш, ҳаж қилиш ва Рамазон рўзасини тутиш”, дедилар”. Бухорий, Муслим, Термизий ва Насоий ривоят қилишган.

Қуйидаги фотогалереяда ноқулай ва ноодатий ҳолатда бўлишига қарамай намозини тарк этмаган мўмин-мусулмонларни кўришингиз мумкин.

Энди ўзингизга савол беринг: иссиқ уйингизда ўтирган ҳолатингизда, масжидлар ичида ҳам ҳарорат яхши бўлган вазиятда қандайдир узр борми?

Суратлар манбаси: Islam-today