Малайзия ҳукумати океанга кўп чиқинди ташловчи давлатларга ўзига хос тарзда жавоб қайтарди. Улар тўлқинлар билан етиб келган 13 тонна чиқиндини 150 та контейнерга жойлаган ҳолда, сувга чиқинди ташлаган давлатларга қайтариб жўнатди, дейилади Islam.ru хабарида.
Душанба куни Малайзиянинг Атроф муҳит ишлари бўйича вазири Йуо Би Ин мамлакат дунё мамлакатлари учун чиқиндихона бўлмаслигини, кимдир шундай қилиш истагида бўлса, бу фақат орзулигини билдирди.
150 та контейнерда 43 таси Францияга, 42 таси Буюк Британияга, 17 таси АҚШга, 11 таси Канадага ва 10 таси Испанияга йўл олди. Қолганлари эса тегишлича Япония, Сингапур, Португалия, Хитой, Бангладеш, Шри-Ланка ва Литвага қараб йўл олди.
Малайзия вазирининг айтишича, мамлакат тез орада яна 110 та контейнерда чиқиндиларни “эгаларига” қайтаради. Уларнинг 60 таси АҚШга жўнатилади.
