“Хьюман райст вотч” (HRW) ташкилоти эълон қилган охирги ҳисоботда айтилишича, Бангладешдаги қочқин роҳинжаларнинг болалари маҳаллий мактабларга қабул қилинмаяпти. 

Ҳисобот 81 саҳифадан иборат бўлиб, “Биз инсон эмасмиз? Бангладешда араканлик қочқин болаларнинг таълим олишдан рад этилиши” деб аталади. Қайд этилишича, Бангладешда роҳинжа болалари учун ўрта таълим муассасалари мавжуд эмас, уларнинг маҳаллий таълим дастуридан фойдаланишига ва бенгалча ўрганишига эса рухсат берилмаяпти. 

БМТ бошчилигида инсон ҳуқуқлари ташкилотлари янги таълим дастурини яратиш ташаббуси билан чиққан, бироқ Бангладеш ҳукумати ушбу дастурни тасдиқлашни пайсалга солган. 

Қочқинлар лагерларида кўнгилли ўқитувчилар норасмий мактабларни ташкил этган, бироқ бангладешлик мутасаддилар уларни ёпиб қўйган. 

Шундан қилиб, айни пайт Бангладешда яшаётган 400 минг роҳинжа болалари таълим олиш имкониятидан маҳрум қолмоқда. 

Эслатиб ўтамиз, роҳинжалар бу ерга Мьянмадаги зулм ва қирғинлардан қочиб келган.