Ўзбекистон Республикаси Президентнинг «Капитал бозорини қўллаб-қувватлашнинг самарали механизмларини жорий этишга доир қўшимча чора-тадбирлар тўғрисида»ги қарори қабул қилинди. Унга кўра, UzAuto Motors АЖ ва бошқа бир нечта компания акциялари «Тошкент» республика фонд биржаси орқали оммавий савдога чиқарилади.
Шунингдек, мазкур қарор билан «Ўзбекистон почтаси», «Дори-дармон», «Алском» суғурта компанияси, «Ўзгеофизика», «Ўзтемирйўлконтеньер» ва «Универсал суғурта» АЖ нинг ҳам акциялари очиқ савдода сотилиши белгиланган.
Қарорга мувофиқ, 2022 йил 1 апрелдан 2024 йил 31 декабрга қадар Ўзбекистон резиденти ва норезиденти бўлган жисмоний шахсларнинг акциялар бўйича ҳисобланган дивидендлари тарзидаги даромади солиқдан озод қилиниши белгиланди. Шу тартибда юридик шахслар учун фойда солиғи 5 фоиз ставкада қўлланиши назарда тутилган. Юридик ва жисмоний шахсларнинг жамиятлар облигацияcи бўйича ҳисобланган фоизи тарзидаги даромади эса солиқдан озод этилади.
