Тошкент шаҳрида шу йилнинг 27 апрель куни “Европа Иттифоқи — Марказий Осиё” сиёсий ва хавфсизлик масалалари бўйича юқори даражадаги мулоқотнинг навбатдаги раунди бўлиб ўтиши режалаштирилган.

Ушбу анжуманда Европа ташқи муносабатлар хизмати бош котиби ва Марказий Осиё мамлакатлари ташқи ишлар вазирларининг ўринбосарлари бошчилигидаги делегациялар иштирок этиши билан бирга, “ЕИ — Марказий Осиё» форматидаги орган ишида биринчи марта Афғонистон вакилларининг қатнашиши билан ажралиб туради.

Бу анжуман кун тартибидан коронавирус пандемияси шароитида ҳамкорлик соҳасидаги сўнгги ўзгаришлар ва минтақавий интеграцияни янада ривожлантириш истиқболлари тўғрисида фикр алмашиш, халқаро масалалар, шунингдек, хавфсизликка умумий таҳдидлар, хусусан, зўравонлик экстремизми, терроризм, гиёҳванд моддаларнинг ноқонуний айланишига қарши туришдаги минтақалараро ҳамкорлик ва бошқа масалалар муҳокамасига қаратилади.