Абдулла Абдуқодиров, иқтисодчи: «Россиянинг биз учун ҳамкорлиги тарихий жиҳатдан юзага келган фактлар билан боғлиқ. 70 йиллик совет иттифоқи даврида бизнинг иқтисодимиз боғлиқ бўлган ва бир-бирини тўлдирган. Металлургия, қишлоқ хўжалиги, машинасозлик, кимё соҳаларда ҳамкорлик муҳим аҳамиятга эга. Жаҳон бозорига импорт, экспорт қиладиган бўлсак Россиянинг ҳаво, қуруқлик ҳудудидан фойдаланишга мажбурмиз. Марказий Осиёга Россия жуда катта инвестициялар киритмоқда. Агар бу инвестициялар халқимизга фойда келтирса бу ҳам манфаатлар бирлиги бўлади. Лекин, инвестицияларнинг фойда келтириши масаласи мени иқтисодчи сифатида ўйлантиради» Шунингдек мутахассис Россиянинг малакали кадрларидан фойдаланишга эҳтиёжимиз борлиги ва бунинг сабаби сон ва сифат жиҳатдан ўсган халқимизнинг маорифи, малакаси у қадар юксалмаганлиги билан боғлиқ дея ўз мулоҳазаларини давом эттирди.