Нигерия масжидларига террор ҳужумлари давом этмоқда ва мўминлар ҳаётларини хавф остига қўйиб, Аллоҳнинг уйларига ибодат қилиш учун келишмоқда.
Sahara Reporters нашрининг хабар беришича, шундай ҳужумлардан бири чоршанба куни кечқурун Тараба штатидаги Телла шаҳрида юз берган: 12 жангари маҳаллий масжидга бостириб кириб, бир неча кишини ўлдирган, тўрт кишини ўғирлаб кетган. Теракт содир бўлган вақтда мусулмонлар хуфтон намозини ўқиётган эди.
Ўғирлаб кетилганлардан бири қўйиб юборилган, уч нафари эса номаълум томонга олиб кетилган.
Охирги 3 ҳафта ичида бу ҳудудда террорчилар томонидан 25 дан ортиқ одам ўғирлаб кетилган, уларнинг аксарияти савдогарлар ва фермерлардир.
Тараба штати полицияси матбуот котиби Усмон Абдуллаҳи масжидга қилинган ҳужумни тасдиқлаган, бироқ қўшимча изоҳ беришдан бош тортган.
