Индонезиялик ёш имомларнинг илк гуруҳи Бирлашган Араб Амирликлари (БАА)га етиб келди. Улар бу ердаги масжидларда хизмат қилади, дея хабар беради The National нашри.
Март ойида БААнинг Ислом ишлари бўйича бош бошқармаси Индонезияда имомлар учун кенг қамровли саралаш ўтказган эди. Ушбу саралашдан 28 нафар имом ўтишга муваффақ бўлди ва улардан 15 нафари аллақачон БААга етиб келди. Қолган 8 нафари ноябрь ойининг ўрталарида келади. Келгусида Индонезиядан БААга олиб келинадиган имомлар сонини 200 нафарга етказиш режалаштирган.
Индонезияликлар Абу-Даби, Рас ал-Хайма ва бошқа амирликлардаги масжидларда имомлик қилади.
“Индонезия имомлари” дастури Абу-Даби валиаҳд шаҳзодаси, шайх Муҳаммад ибн Зайд томонидан Индонезия президенти Жоко Видодо билан ҳамкорликда бошланган.
