Muallim Media – илмий-маърифий маркази Muslimaat.uz сайти билан ҳамкорликда муслималар учун мўлжалланган, ҳанафий мазҳабига кўра намоз ўқишни ўргатувчи видеоқўлланма тайёрлади.
Видеоқўлланма орқали опа-сингилларимиз намозни ўқишни тўла ўрганиши ёки кўпинча намоз ўқишда учрайдиган баъзи хато-камчиликларни тузатиб олиши мумкин. Шунингдек, гапириш ва эшитиш қобилиятига эга бўлмаган кишилар ҳам видеоқўлланмадан фойдаланиш имкониятига эга. Қўлланмада намоз ўқиш қоидалари сурдо таржимон Зилола Маҳмудова томонидан сурдо тилига таржима қилинган. Видеоқўлланма 6 қисмдан иборат бўлиб, бугундан бошлаб бир қисмдан бериб борилмоқда.
Маълумот учун, имконияти чекланганлар учун очилган «Muallimsurdo» канали, Muallim media, muslimaat.uz ва Bintu Sodiq ижтимоий-маърифий каналларида эфирга узатилган шу каби бошқа видео маҳсулотлар ҳам сурдо таржимаси билан бериб борилади.
