Қароқчилар Гвинея кўрфазида Либерия байроғи остида сузиб бораётган Туркиянинг MOZART контейнер кемасига ҳужум қилди ва экипажнинг 15 аъзосини ҳибсга олган.

Агентлик маълумотларига кўра, ҳужум шанба куни Лагос қирғоқларидан 180 мил масофада уюштирилган. Ҳужум пайтида экипажнинг 19 аъзосидан 15 нафари гаровга олиниб, 1 нафари ҳалок бўлган. Қурбон Озарбайжон фуқароси эканлиги аниқланди. Гаровга олинганларнинг ҳаммаси турклар. Қолган экипаж аъзолари кемани Габоннинг Порт-Жантил бандаргоҳига олиб кетган.