Францияда Сурия президенти Башар Асаднинг амакиси Рифат Асад устидан ноқонуний равишда бойлик орттириш бўйича суд иши якунланди, дея хабар бермоқда Би-би-си. 

Суд уни тўрт йилга озодликдан маҳрум этиш ва 90 миллион долларлик кўчмас мулкларини мусодара қилиш ҳақида сиртдан қарор чиқарди. Бундан ташқари, суд қарорига биноан Лондонда 30 миллион долларлик кўчмас мулк ҳам ғазнага ўтказилади. Айрим маълумотларга кўра, 82 ёшли Асад айнан шу ерда истиқомат қилади. 

Бундан аввал Испания судия ҳам Рифат Асадга қарши иш қўзғатган эди. Суд органларининг фикрига кўра, Рифат Асад 1980-йилларда Сурия давлат ғазнасидан тахминан 272 миллион еврога тенг маблағни Испанияга олиб келган. Асаднинг ўзи эса бунча бойлик Саудия Арабистонидан келган эҳсон ва совғалар эвазига орттирилганини айтган.  

Рифат Асад 1983 йилда акаси Ҳафиз Асадни тўнтаришга уринишда муваффақиятсизликка учрагач, Суриядан қочиб кетган.