Филиппин мудофаа вазири Делфин Лорензану C-130 ҳарбий самолётининг қулаши оқибатида камида 17 киши ҳалок бўлганини, яна 40 киши жароҳат олганини айтди, деб хабар беради РИА Новости. Дастлабки маълумотларга кўра, самолёт бортида 92 киши бўлган.
C-130 самолёти Филиппиннинг жануби-ғарбий қисмидаги Холо оролига қўнишга уринган пайтда ҳалокатга учраган. Самолётда Кагаян де Оро шаҳридан келаётган аскарлар бўлган. Аввалги ОАВ хабарларига кўра, самолёт бортида 85 киши бўлган ва 17 киши ёнаётган қолдиқлардан қутқарилган.
